Arifi: Shaip Kamberi organizoi komplote të njëpasnjëshme për shkarkimin e drejtorit në Preshevë

Kryetari i Komunës së Preshevës, Shqipërim Arifi ka reaguar pas shkarkimit të Drejtorit të Shtëpisë së Shëndetit në Preshevë, Driton Salihut.

Vendimin për shkraktim të Driton Salihut, Arifi e ka quajtur puro politik.

Përmes një postimi në Facebook, Arifi ka thënë se deputeti shqiptar në Parlamentin e Serbisë, Shaip Kamberi ka bashkëpunuar politikisht dhe ka organizuar komplote të njëpasnjëshme për shkarkimin e drejtorit Salihu.

“Vlen të theksohet se Partia për Veprim Demokratik – PVD, konkretisht kryesuesi i saj e njëkohësisht deputeti Shqiptar në Parlamentin e Serbisë Shaip Kamberi ishte në frontin e parë që ka bashkëpunuar politikisht dhe ka organizuar komplote të njëpasnjëshme në shkarkimin e drejtorit në fjalë dhe kjo është faktike pasi që është sabotuar puna e tij që nga dita e pare”, ka shkruar ai.