Ardita Sinani pritet nga kryetari i Gjilanit, Alban Hyseni
Kryetarja e komunës së Preshevës është pritur në Gjilani nga kryetari i komunës, Alban Hyseni.
"Ne, kryetarët e Komunave, vijmë e shkojmë. Por, Presheva dhe Gjilani çdoherë e më shumë do të bashkëpunojnë. Kjo u dëshmua edhe sot me mirëpritjen e kryetarit të ri të Gjilanit, z.Alban Hyseni", ka shkruar mes tjerash në Facebook Ardita Sinani.
Postimi i plotë në Facebook nga Ardita Sinani:
Ne, kryetarët e Komunave, vijmë e shkojmë
Por, Presheva dhe Gjilani çdoherë e më shumë do të bashkëpunojnë.
Kjo u dëshmua edhe sot me mirëpritjen e kryetarit të ri të Gjilanit, z.Alban Hyseni.
E falenderova për ftesën. E urova për detyrën e re. Rishpreha përkushtimin tonë për thellimin e traditës sonë të partneritetit.
Dinamizimi i bashkëveprimit bilateral Preshevë-Gjilan, përfshirë ai rajonal në trekëndshin Preshevë – Gjilan – Likovë e Kumanovë, sa i përket tërheqjes së IPA fondeve të Bashkimit Evropian, ishin temat e sotme kryesore të takimit tonë.
Pata gjithashtu nderin dhe kënaqësinë të marrë bashkërisht pjesë me z.Hyseni, në manifestimin kulturor kombëtar “Flaka e Janarit 2022”, që organizohet prej 31 vitesh, në nderim të heronjve dhe dëshmorëve të kombit, të rënë përgjatë janarëve të acartë të historisë
Faleminderit Gjilan
