Ansambël tunxhi nga Prishtina mban koncert në Bujanoc (Video)
Shtëpia e Kulturës në Bujanoc ishte vendi në të cilin të hënën performoi ansambël tunxhi nga Prishtina, i përbërë nga instrumentistë profesionist.Ansambli “Prishtina Brass” para publikut të vendas performoi me muzikë të mirëfilltë shqipe dhe botërore nga kompozitorët më të njohur shqiptare dhe të huaj.
Mbajtja e këtij koncerti të rrallë në Bujanoc, sipas organizatorëve, kishte si qëllim sensibilizimin dhe nxitjen e qytetarëve për të dalluar, evidentuar dhe respektuar muzikën e mirëfilltë me vlerat që ka, si ate botërore gjithashtu edhe muzikën tonë kombëtare, raporton Titulli.com.
Publiku pjesëmarrës në koncert është ndarë i kënaqur me prezantimin e një muzike rrallë të dëgjuar në rajonin tonë.
Deri më tani “Prishtina Brass” është prezantuar në disa qytete të Kosovës dhe Maqedonisë. /Titulli.com/
