Ambasadori i Norvegjisë në Beograd takoi përfaqësuesit e Preshevës dhe Bujanocit
Kryetarët e komunave të Preshevës dhe Bujanocit, Ardita Sinani dhe Shaip Kamberi, qëndruan në një takim pune në Ambasadën e Norvegjisë në Beograd.Në takim me ambasadorin Arne Sannes Bjornstad, përveç situatës së përgjithshme politike në Luginë të Preshevës u shtruan edhe kërkesat konkrete për realizimin e projekteve të përbashkëta ndërkomunale dhe atyre komunale.
Kryetarja Sinani dhe Kamberi edhe në këtë takim, insistuan që në takimin e radhës së formatit të ambasadorëve "Miqëve të Luginës", të ftohen përfaqësuesit institucional të shqiptarëve për të raportuar për situatën aktuale në Luginë të Preshevës./k.b.p/
