Alternativa për Bujanocin zyrtarizohet më 25 dhjetor

Sipas informacioneve qe ka Portali Informativ “ Titulli “  ky subjekt politik është duke i bërë përgatitjet e fundit që paraqitja e parë zyrtare të realizohet siç është më së miri dhe ajo të dalloj nga provomimet tjera që janë bërë deri më sot.

“ Të Dielën, më 25 dhjetor , në sallën e vogël të shtëpisë së kultureës, në Bujanoc, do të mbajmë Këshillin Nismëtar, ngjarje kjo e cila me padurim po pritet nga anëtarësia jonë potenciale, sidomos rinia “, thekson burimi i “ Titullit “ brenda APN-së së Bujanocit.

“ Edhe pse nuk kemi bërë thirje publike për pjesëmarrje, na gëzon fakti se interesimi është i jashtëzakonshëm, gjë kjo e cila është dëshmuar nga takimet e deritanishme qoftë me individë, qoftë me grupacione të ndryshme të cilat e shohin veten si pjesë të APN-së “, thotë ndër të tjera ky burim, duke shtuar se ekziston një  përfshirje e strukturave nga të gjitha vendbanimet shqiptare të komunës së Bujanocit.

Në takimin e Këshillit Nismëtar, përveç bashkëpartiakve nga Presheva nuk do të ketë mysafirë tjerë të ftuar, kurse një gjë e tillë do të ndodhë në pranverën e vitit të ardhshëm me rastin e Kuvendit Zgjedhor, të cilit do t’i paraprijnë organizimet e zgjedhjeve nëpër të gjitha nëndegët e Bujanocit.

I njëjti burim flet se përveç  aktiviteteve që janë pjesë e agjendës së Këshillit Nismëtar, të njejtën ditë do të promovohen edhe hapsirat e këtij subjekti politik të cilat janë pak metra larg ndërtesës së komunës së Bujanocit./Titulli.com/