Vulin dhe Stankoviq vizitë treditore në Luginë

Ministri i Punës dhe Çështjeve Sociale Aleksandër Vulin i shoqëruar nga kryetari i Trupit Koordinues për Preshevë, Bujanoc dhe Medvegjë, Zoran Stankoviq më 20, 21 dhe 22 maj, do të qëndrojnë në Bujanoc dhe Preshevë.

Sipas njoftimit të shërbimit për media të Trupit Koordinues, të mërkurën, 20 maj, delegacioni nga Beogradi do të vizitojë Kryqin e Kuq dhe Kuzhinën Popullore në Bujanoc.

Më 21 maj, e enjte, kryetari i Trupit Koordinues Zoran Stankoviq, në Bujanoc do të takohet me kryetarët e komunave Preshevë dhe Bujanoc, Ragmi Mustafa e Nagip Arifi, si dhe kryetarin e Këshillit Kombëtar Shqiptar, Jonuz Musliu.

Gjatë ditës së premte, më 22 maj, Stankoviq në Preshevë do të takohet me deputetët popullor nga Lugina, Riza Halimi dhe Shaip Kamberi./Titulli.com/