Vranjë: Vret gruan me pushkë, tenton vetëvrasjen
Radomir Gjorgjeviq (58) nga fshati Sodercë, rrethina e Vranjës, pas një grindje të shkurtë të dielën në shtëpi, ka vrarë me pushkë gjuetie bashkëshorten Branka Gjorgjeviq (54).Sipas kumtesës së Policisë në Vranjë, ngjarja ka ndodhë rreth orës 15:30, kur Radomiri nga pushka e gjuetisë që e mbante me leje, ka shtënë në drejtim të bashkëshortes Branka, duke e lënë të vdekur në vend.
Pas shkrepjes së pushkës, Radomiri me të njëjtën armë ka tentuar të kryejë vetëvrasje, me ç’rast pas plagosjes me veturën e ndihmës së shpejtë është dërguar në spitalin e Vranjës e më pas në Qendrën Klinike në Nish.
Siç transmeton OK Radio, Radomiri ishte punëtorë në “Simpo”, ndërsa gruaja e tij amvise. Kanë dy fëmijë të rritur, djalin e martuar i cili ka kryer akademinë ushtarake si dhe një vajzë të fejuar./Titulli.com/
