Stankoviq reagon për Medvegjën lidhur me spastrimin etnik shqiptarë

Beogradi zyrtar ka reaguar pas deklaratave të kryetares së Kuvendit, Vjosa Osmani, rreth asaj se shteti serb po mundohet të bëjë spastrim të heshtur etnik në Luginën e Preshevës.

“Adresimi i çështjes së lirive dhe të drejtave të njeriut të shqiptarëve në Luginën e Preshevës duhet të bëhet në të gjitha instancat, brenda dhe jashtë vendit. Ky nuk është thjeshtë një problem i izoluar: veprimet e shtetit serb karshi shqiptarëve të Luginës, ngërthejnë në vete shkelje fundamentale të të drejtave të njeriut. Një shtet që aktivisht angazhohet në spastrim etnik, edhe pse me metoda të ‘sofistikuara’ siç është pasivizimi i adresave, nuk e meriton anëtarësimin në BE”, ka shkruar Osmani, duke shtuar se Medvegja është vënë në shënjestër të politikës serbe për të larguar secilin që flet shqip nga aty dhe përveç kësaj, gjatë katër viteve të fundit, autoritetet serbe kanë fshirë mbi 4 mijë shqiptarë nga regjistri civil në këtë komunë.

Kjo deklaratë ka nxitur debat tek mediumit serbe. Gazeta e përditshme, “Novosit” i ka kushtuar një shkrim të veçantë këtij reagimi nga Kosova, transmeton Indeksonline

“Të dhënat e paraqitura nga Vjosa Osmani, në lidhje me numrin e shqiptarëve në Medvegjë, janë të rreme. Sipas statistikave të 2011, në Medvegjë kishte 7,438 banorë, prej të cilëve 6,429 ishin serbë dhe 527 shqiptarë. Pastaj, përfaqësuesit shqiptarë ishin në koalicionin qeverisës me partitë serbe deri para një viti e gjysmë më parë, klasat në shkolla janë në shqip, kështu që unë nuk e shoh arsyet për pretendimet e bëra, përveç që mund të konkludohet se ato janë bërë për qëllime të përditshme politike”, ka deklaruar Zoran Stankoviç, kryetari i Trupit Koordinues Qeveritar për komunat e Preshevës, Bujanocit dhe Medvegjës.

Sipas tij, përfaqësuesi shqiptarë në Medvegjë gjithmonë kanë pozitën e nënkryetarit të komunës, dhe se, për shembull, Lema Xhema është bashkëpunëtorja e parë e kryetarit të komunës.

“Sa i përket të drejtës për arsimim të shqiptarëve në këto tri komuna, fëmijët kanë orë mësimi në gjuhën shqipe dhe se orët e tyre mësohen nga mësuesit shqiptarë. Ata gjithashtu përdorin libra shkollorë në gjuhën shqipe. Një pjesë e mirë e tyre nuk ishin në këtë gjuhë, por ata janë duke punuar në të. Sipas ligjit, Këshilli Kombëtar i Shqiptarëve duhet të bëjë propozime në lidhje me librat shkollorë, por kjo nuk erdhi prej tyre, edhe pse ishte dakord./Titulli.com/