Lokale
Urimet për festën e Kurban Bajramit
Me rastin e festës së Kurban Bajramit, shfrytëzoj rastin që në emrin tim personal dhe në emër të Partise Liberale Demokratike gjithë qytetarëve të konfesionit islam t'ua uroj këtë festë madhështore duke dëshiruar që kjo ditë të jetë ditë feste, gëzimi, solidaritet, dhe emirëqenies në familjen e çdo besimtari.
Kjo festë lartëson shpirtërisht besimtarët islamë kudo në botë duke forcuar vlerat e besimit në Zot, bashkon njerëzit në harmoni midis tyre, ngrit ndjenjat e solidaritetit ndërnjerëzor dhe zgjon idenë e sakrifikimit për të mirën e përgjithshme.
-----------------------------------------------------------------------------------------------------------------------------------------------------------------------------------------------------
Kryetari i Komunës së Preshevës, Ragmi Mustafa, me rastin e Kurban Bajramit uron të gjithë besimtarët e besimit islam.
Në këtë ditë feste për të gjithë besimtarët myslimanë le të mbizotërojë solidariteti, paqja, toleranca dhe respekti.
Të udhëhequr nga fryma e kësaj feste të bekuar, të vazhdojmë të kultivojmë vlerat tona fetare dhe kombëtare për të ndërtuar një të ardhme me të ndritur për gjeneratat që vijnë pas.
Në emrin tim
personal dhe në emër të Kryetari të Komunës së Preshevës dhe të Partisë Demokratike Shqiptare, të gjithë besimtarët myslimanë iu uroj festën e Kurban Bajramit.
Kryetari i Komunës së Preshevës dhe i Partisë Demokratike Shqiptare, Ragmi Mustafa.
---------------------------------------------------------------------------------------------------------------------------------------------------------------------
Në emër të Shoqatës”Vatra”të gjithë besimtarëve të fesë islame Jua urojmë festën e Kurban Bjramit.
Le të jetë edhe kjo festë motiv për përforcimin e besimit tonë, forcim i mendjeve dhe zemrave tona, për realizimin e qëllimeve të larta njerëzore dhe devotshmërisë, për sigurimin e progresit.
Urojmë që kjo festë të kalojë në harmoni, solidaritet, begati dhe mirëqenien në familjet e çdo besimtari. Le të na shërbejë kjo festë si moment i vetëdijesimit tonë, që ta respektojmë njëri-tjetrin, dinjitetin dhe vlerat e përgjithshme njerëzore!
Urime festën e Kurban Bajramit.
--------------------------------------------------------------------------------------------------------------------------------------------------------------------------------------------------
Me rastin e festës së Kurban Bajramit, Kryesia e Organizatës së Veteranëve të Luftës së UÇPMB-së në Bujanoc, të gjithë besimtarëve mysliman ua uron këtë ditë të begatshme, me dëshirën që në familjet e tyre të mbizotëroje paqja dhe lumturia.
Festa e Kurban Bajramit , le të na shërbejë, në thellimin e respektit, , miqësisë dhe dashurisë për fëmijët tanë, familjen si institucion themel i ç’do shoqërie,ndihmën për ata që humbën më të dashurit e tyre e që sot në këtë ditë gëzimi ndjejnë mungesën më të madhe për bijtë e tyre dëshmorë.
Kjo festë fetare , uroj qe tu shërbejë të gjithë besimtarëve, në ushtrimin e ndjenjës së solidaritetit me njëri tjetrin, të jemi sa më human me ata që kanë nevojë dhe të rrugëtojmë të gjithë bashkë drejt sukseseve të reja.
Gjithashtu falënderojmë bashkësinë Islame të Bujanocit që u solidarizua ndaj Organizatës tonë me tre krerë lopë për kurban bajramin ,që të ndahen familjarëve të dëshmorëve , invalidëve si she veteranëve që kanë kushte më të vështira të jetës së tyre, thuhet në urimin OVL-së në Bujanoc, kryetar Edmond Isufi.
----------------------------------------------------------------------------------------------------------------------------------------------------
Me rastin e festës së Kurban Bajramit, shfrytëzoj rastin që në emrin tim personal dhe në emër të Komunës së Bujanocit të gjithë besimtarëve të konfesionit islam t'ua uroj këtë festë madhështore duke dëshiruar që kjo ditë të jetë ditë feste, gëzimi, solidaritet, dhe mirëqenies në familjen e çdo besimtari.
Le të na shërbejë kjo festë si moment i vetëdijesimit tonë, që ta respektojmë njëri-tjetrin, dinjitetin dhe vlerat e përgjithshme të shoqërisë.
Këtë vit kjo festë është edhe më e veçantë sepse jeni ne përvjetorin e njëqind te shtetit shqiptarë
Uroj që kjo festë të përcillet jo vetëm me urime të mira e vizita tek të afërmit por edhe me vepra të mira, sepse kjo ditë është ditë e mëshirës, faljes, mirëkuptimit, mirësisë dhe paqes.
Le të na shërbejë kjo ditë për lirimin e shpirtit dhe të mendjes nga vështirësitë, pengesat e jetës së përditshme dhe padrejtësitë njerëzore, thuhet në urimin e kryetari të komunës së Bujanocit, Nagip Arifi.
----------------------------------------------------------------------------------------------------------------------------------------------------
Lëvizja e Progresit Demokratik, me rastin e festës së Kurban Bajramit, i përgëzon gjithë besimtarët e fesë islame, për Ditën e manifestimit të sakrifices dhe devotshmërisë ndaj Zotit.
Duke e lutur Zotin, që t’ua pranojë Haxhin, Kurbanin, lutjet dhe ibadetet.
Në këtë festë të gëzimit dhe haresë e kemi për detyrim angazhimin tonë të përbashkët për një të ardhme sa më të mirë e sa më të lumtur, që shqiptarët e Luginës së Preshevës, të kalojnë një jetë me dinjitet, një perspektivë të shëndoshë ashtu siç e duam dhe e dëshirojmë, thuhet në mesazhin e urimit të LPD-së.
Kjo festë kaq e dashur, po na gjen më të organizuar si komb, pikërisht në këto 100 vjet të shtetit shqiptar, ndaj më lejoni t’ju shpreh urimet dhe përgëzimet më të sinqerta gjithë vëllezërve e motrave myslimane kudo qofshin ata, duke e lutur Zotin, që t’ua pranojë Haxhin, Kurbanin, lutjen dhe ibadetin, thuhet mes tjerash në urimin e Lëvizjes së Progresit Demokratik, të nënshkruar nga lideri i saj, Jonuz Musliu.
----------------------------------------------------------------------------------------------------------------------------------------------------
Të nderuar qytetarë,
Të gjithë jemi të vetëdijshmë për vlerën dhe rëndësin e madhe të kësaj Feste Islame të populli shqiptarë, festë të sakrificës së cilës nuk i mungojnë ndjenjat njerëzore si reflektim i sublimes Hyjnore. Sot le të mbretëron paqja, ngrohtësia vëllazërore, afërsia e zemrës, toleranca e solidariteti, vlera këto të cilat janë shumë të nevojshme në këto ditë të rënda ekonomike, sociale dhe politike.
Andaj, të nderuar qytetarë të cdo përkatësie tuajën qofshi, në emër dhe në cilësin e Kryetarit të Kuvendit të Komunës së Preshevës dhe në cilësin e Kryetarit të Rilindjes Demokratike ju uroj nga zemra Festën e Kurban Bajramit,për një dinjitet më të lartë dhe duke bërë thirrje për një mirëkuptim dhe frymë tolerante e unitet, duke shpresur që në vitet e ardhme të kemi një datë të përcaktuar saktë për myslimanët kudo që janë, thuhet në urimin e kryetari i Rilindjes Demokratike dhe Kuvendit Komunal të Preshevës , Ramiz Latifi.
Gëzuar, me shëndet dhe dinjitet ta festoni, për shumë vite!!!
-----------------------------------------------------------------------------------------------------------------------------
Këshilli Kombëtar Shqiptar uron të gjithë besimtarët mysliman me rastin e festës së Kurban Bajramit. Kjo ditë madhështore e cila bartë në vete vlerën e devotshmërisë, humanitetit, sakrificës, barazisë në mes të njerëzve e që këtë vit përkon edhe me 100 vjetorin e Pavarësisë së Shqipërisë, urojmë që të gjithë besimtarët ti gjejë në harmoni, tolerancë, unitet, e mbarësi në të gjitha sferat.
Urime festën e Kurban Bajramit për të gjithë vëllezërit dhe motrat myslimane duke shpresuar që Zoti i Madhërishëm ti pranoj të gjitha lutjet tona, thuhet në urimin e KKSH-së, kryetar Galip Beqiri.
-------------------------------------------------------------------------------------------------
Festa e Kurban Bajramit është një nga festat më të mëdha të besimtarëve mysliman, dhe kremtimi i kësaj feste dëshmon se vlerat e njerëzimit janë vlera të sakrificës, dhe vetëdijes së njeriut për të madhin ZOT.
Duke i pasur parasysh vuajtjet e popullit shqiptar në përgjithësi, e kryesisht në Luginë , urojmë që Festa e Kurban Bajramit të jetë si shembull i sakrificës dhe përpjekjes për të përmirësuar jetën tonë dhe gjithë shoqërisë.
Andaj lë të shërbejë kjo festë për shtrirë dorën e vëllazërisë, bashkëpunimit, paqes dhe tolerancës në të mirë të jetës së qytetarëve tonë.
Vëllazëria, nënkupton edhe ikjen nga inatet personale për të realizuar qëllimet e përbashkëta drejt integrimit dhe perspektivës, thuhet në urimin e Organizatës Kulturore Humanitare “VËLLAZËRIMI”, kryetar Ibrahim Rrustemi.
copy(/home/titulli/public_html/images/image/t/uploads/2012/10/kurban-bajrami.jpg): failed to open stream: No such file or directory
Mund ti tregoni shoqërisë për këtë artikull!
