Ministria e Informimit anashkalon mediat aktive shqipe në Luginë, ndan vetëm 11 mijë euro

Ministria e Informimit dhe Telekomunikacionit të Serbisë ka shpallur vendimin mbi bashkëfinancimin e projekteve në fushën e informimit në gjuhët e pakicave në Serbi pwr vitin 2023, shkruan Tituli.com.

Nga buxheti i përgjithshëm prej 41 milion dinarë për informim në gjuhën shqipe janë ndarë 3 milion dinarë për organizatat mediale në serbisht që kanë program edhë në gjuhën shqipe edhe atë 1.7 milion.

Ndëra për disa organizata në Preshevë që për opinionin lokal njihen se nuk janë aktive profesionalisht në fushën e informimit janë ndarë 1.3 milion dinarë.

Është shqetësuese se nga ky konkurs janë anashkaluar mediat lokale aktive në gjuhën shqipe në Bujanoc e Preshevë dhe nga kjo vështirësohet edhe funskionimi i informimit shqip në këto komuna.

Ndarje të buxhetit për media me logjikë të ngjashme të Beogradit ka bërë edhe komuna e Bujanocit ndërsa komuna e Preshevës ka bllokuar tërësisht buxhetin për financimin e informimit shqip në Luginë./Titulli.com/ 

Vendimi i plotë i publikuar në webfaqe nga Ministria e Informimit dhe Telekomunikacionit të Serbisë