Lokale
Lugina kërkon administrim ndërkombëtar
Ndërkohë që deklaratat e kreut shtetëror të Serbisë për heqjen e dhunshme të Përmendores së Dëshmorëve të UÇPMB-së e kanë tensionuar situatën, përfaqësuesit politik dhe institucional të shqiptarëve të Luginës së Preshevës, ftojnë për paqe.
I pari i Kuvendit në Preshevë, Ramiz Latifi, tensionimin e gjendjes në Luginë e ka vlerësuar si rezultat të deklaratave kërcënuese të kreut shtetëror të Serbisë për heqjen e Përmendores së Dëshmorëve të Kombit. Latifi, ka vlerësuar se kërcënimet i takojnë së shkuarës dhe se problemet duhet zgjidhur me dialog të ndërsjellët.
Respektimi i marrëveshjeve të arritura është bazë e stabilitetit të qëndrueshëm në rajon, por kur është fjala për kreun serb, sipas Kryetarit të Kuvendit Komunal të Preshevës, Ramiz Latifi, një gjë e tillë nuk është e qëndrueshme.
Për tejkalimin e situatës së krijuar në Luginë, Jonuz Mulsiu, ish kryetar i Këshillit Politik të UÇPMB-së, alternativë më të mirë e sheh intervenimin e faktorit ndërkombëtar, raporton preshevanews.
Heqja e dhunshme e Përmendores së Dëshmorëve të Kombit në Preshevë, për Belgzim Kamberin, kryetar i Këshillit për të Drejtat e Njeriut në Luginë, nuk do të mund të shlyej kujtesën kolektive të shqiptarëve për Ushtrinë Çlirimtare të Preshevës, Medvegjës dhe Bujanocit. Kjo sipas tij gjeneron krizë të re e assesi tejkalim të saj.
Gjendja e fundit e krijuar pas kërcënimeve të kreut serb për heqjen e Përmendores së Dëshmorëve të Kombit në Preshevë, rasti i djeshëm i heqjes së Flamurit Shqiptarë nga varrezat e Dëshmorëve në Dobrosin dhe lëvizjet e shtuara të forcave serbe të sigurisë krijojnë përshtypjen e gjendjes së jashtëzakonshme në Luginën e Preshevës, duke krijuar pasigurinë ndër banorët shqiptar të këtushëm./Titulli.com/copy(/home/titulli/public_html/images/image/t/uploads/2013/01/Marreveshja-e-Konculit-2001.jpg): failed to open stream: No such file or directory
Mund ti tregoni shoqërisë për këtë artikull!
