Lokale
Liderët do të negociojnë për kthimin e lapidarit të UÇPMB-së
(i plotësuar 23:15)
Ka përfunduar takimi mes përfaqësuesve shqiptar të Luginës dhe Organizatës për Siguri dhe Bashkëpunim Evropian (OSBE)
Në takimin që përfundoi rreth orës 22:30, u bisedua për çështjen e lapidarit dhe situatën e sigurisë në përgjithësi, ndërsa burimi ynë thotë se u propozua formimi i një delegacioni i cili me ndërmjetësimin e OSBE-së do të negociojë kthimin e lapidarit të UÇPMB-së si dhe çështjet tjera me interes për shqiptarët e Luginës.
“Komuna e Preshevës tani duhet që Beogradit t’i bëjë një kërkesë për kthimin e lapidarit në Preshevë, por në një lokacion tjetër, jo para objektit të komunës”, u shpreh burimi ynë.
Ai tha se tani gjërat kanë ndryshuar. “Nëse Beogradit nuk i pëlqen ai lokacioni i propozuar nga Presheva, atëherë ata do të japin propozimet e veta dhe kështu Komuna e Preshevës së bashku me grupin e formuar duhet t’i shqyrtojë ato”.
Në takimin e sotëm me përfaqësuesit e OSBE-së morën pjesë deputeti Riza Halimi, kryetarët e komunave Preshevë dhe Bujanoc, Ragmi Mustafa dhe Nagip Arifi, kryetari i Këshillit Kombëtar Shqiptar Galip Beqiri, kryetarët e subjekteve politike, Jonuz Muliu, Rahmi Zylfiu dhe Skënder Destani.
Vlen theksuar se deri më tani për zgjidhjen e problemit të lapidarit dhe të drejtave të shqiptarëve në Luginë, janë angazhuar ambasadat e huaja, kurse një angazhim më të madhe e kishte OSBE./Titulli.com/
*******************************************************************************************************************************
Larg syrit të publikut në këto momente po zhvillohet takim në mes të spektrit politik të Luginës dhe përfaqësuesve të OSBE-së
Takimi ka filluar rreth orës 19h nën organizimin e Organizatës për Siguri dhe Bashkëpunim Evropian (OSBE), ndërsa në te janë duke marrë pjesë të gjithë pjesëtarët e grupit të unitetit.
Sipas burimit të Titullit takimi është duke u mbajtur në Bujanoc, në restorant Rozafa. Temë e takimit do të jetë situate e krijuar pas heqjes së pllakës përkujtimore me 28 emrat e dëshmorëve në Preshevë dhe gjetja e një zgjidhje.
Para se të hiqej lapidari në Preshevë, OSBE ishte gati arritjes së një marrëveshje të pranueshme si për liderët shqiptar njëashtu edhe për Qeverinë në Beogradit, mirëpo heqja e lapidarit nga xhandarmëria pezulloi bisedimet që po zhvilloheshin./Titulli.com/copy(/home/titulli/public_html/images/image/t/uploads/2013/01/Presheve-konferenca.jpg): failed to open stream: No such file or directory
Mund ti tregoni shoqërisë për këtë artikull!
