Komuna e Preshevës shpërndan abetaren për nxënësit shqiptar

Kryetari i komunës së Preshevës, Shqiprim Arifi ka shpërndarë abetaren mbarëkombëtare për klasën e parë të shkollave shqipe në Preshevë.

“Sot pata kënaqësinë të jem prezent në mesin e nxënësve të shkollës fillore "Prof Ibrahim Kelmendi" në Preshevë”, ka shkruar Shqiprim Arifi.

Ai theksoi se qeverisja e komunale ka arritur të sigurojë këtë teskt shkollorë.

“Duke e konsideruar rëndësinë e madhe që ka ky libër për filloristët tanë, vendosëm që për këtë vit shkollor të gjithë filloristëve të Komunës sonë, t'ua sigurojmë Abetaren, si libër të parë në mësimin e shkronjave të alfabetit tonë”, shkroi Arifi.

Vlen të theksohet se Këshilli Kombëtar Shqiptar është institucioni i vetëm që merret me sigurimin e teksteve në gjuhën shqipe dhe deri më tani për nxënësit e shkollave fillore  janë siguruar 54 tekste në gjuhën shqipe ndërsa mungojnë të gjitha tekstet në shkollat e mesme , përveç atyre të gjuhës shqipe,  serbe dhe gjuhëve të huaja./Titulli.com/