Komuna e Bujanocit fillon punët publike për hartimin e buxhetit 2021

Komuna e Bujanocit ka filluar përgatitjet për hartimin e buxhetit për vitin 2021.

Sipas postimit në faqen e zyrtare të komunës në facebook thuhet se takimi i parë po zhvillohet me kryetarët e bashkësive lokale, ndërsa ditëve në vijim do të ketë takime edhe me drejtorë të ndërmarrjeve publike, shkollave dhe palëve tjera të interesit. 

“Kryetarëve të bashkësive lokale iu rekomandohet që të organizojnë tubime me qytetarë brenda kësaj jave, që të dëgjojnë nga afër kërkesat dhe nevojat e tyre”, thuhet në postimin e publikuar të komunës së Bujanocit në facebook. 

Në njoftimin thuhet se ky është një mekanizëm mjaft i rëndësishëm për pjesëmarrjen e qytetarëve në vendimmarrje. 

“Propozimet e dalura nga këto takime do të ndihmojnë të vendosen kërkesat prioritare të qytetarëve të komunës së Bujanocit”, thuhet në njoftimin e komunës./Titulli.com/