Kamberi: Rama të flasë me Vuçiqin për drejtat tona në Luginën e Preshevës (video)
Kryetari i Komunës Bujanovc, Shaip Kamberi, në një intervistë të shkurtër për gazetarin Sonil Frashëri, në Ora News, tha se ishte takuar me kryeministrin Rama dhe kishte biseduar me të për çështjet e problematikat e shqiptarëve të Luginës së Preshevës.Shaip Kamberi tha se diseduan me kryeministrin për probleme të shumta me të cilat ballafaqohen shqiptarët e Luginës së Preshevës. I thamë se cilat janë sfidat tona”.
Kamberi deklaroi se i përmendi kryeminsitrit Rama pikat të cilat ai duhet t’i diskutonte gjatë takimit me Vuçiç për bashkëpunimin mes dy vendve.
Shaip Kamberi: “I kërkuam që në takimin që do të ketë me kryeministrin Vuçiç t’i përmendë ato që në kuadër të një bashkëpunimi qëllim-mirë që po tentohet të krijohet mes dy shteteve, të përmendë çështjen e të drejtave të shqiptarëve në luginën e Preshevës. Prekëm problemet e arsimit, zhvillimit ekonomik, pjesërmarrjes së shqiptarëve në institucionet publike”.
Vizita mes kryetarit të Komunës së Bujanovc dhe kryeministrit Rama erdhi pas forumit “E ardhmja e marrëdhënieve shqiptaro-serbe si dhe stabiliteti në Europën Juglindore” të mbajtur në Beograd./Oranews.tv/
