Japonia do të ndihmojë zhvillimin ekonomik të Bujanocit
Kryetari i komunës së Bujanocit, Nagip Arifi në zyrën e tij ka pritur Noriaki Abe, sekretar i parë i ambasadorit të Japonisë në Beograd ndërsa është biseduar për investimet e bëra, dhe që do të bëhen në të ardhmen.
Ambasada japoneze që nga viti 2001 komunën e Bujanocit e ka ndihmuar me tre vetura për ndihmën e shpejtë dhe ka dhuruar aparatin e homografisë në shtëpinë e shëndetit. Pas takimit të realizuar nuk është prononcuar sekretari Nori aki Abe, ndërsa Arbër Pajaziti shef i zyrës së kryetarit të komunës deklaroi se shteti japonez është i interesuar të ndihmojë në zhvillimin ekonomik të Bujanocit, raporton Titulli. “Po ashtu është biseduar edhe për bashkëpunimin e mëtutjeshëm që do të këtë vendi jonë me këtë ambasadë dhe kemi marrë një përkrahje nga sekretari për të vazhduar bashkëpunimin për zhvillimin ekonomik të komunës së Bujanocit”, tha Pajaziti. Ai tha se pushteti lokal i Bujanocit ka falënderuar ambasadën e Japonisë për investimet dhe donacionet që janë bërë, duke shpresuar për investime më të mëdha në të ardhmen./Zilihaje Selmani/Titulli.com/copy(/home/titulli/public_html/images/image/t/uploads/2012/08/Arifi-Nori-Aki-ABe.jpg): failed to open stream: No such file or directory
