Fitër Bajrami, urime për besimtarët
I urojmë të gjithë besimtarët për festën e Fitër Bajramit. Dëshirojmë që në këtë festë të mbretërojë paqja, toleranca në mes besimtarëve dhe ti shtrimë njëri tjetrit dorën e pajtimit.
Këshilli i Bashkësia Islame – Bujanoc
Kryetar, Sulejman Fejzullahu
*************************************************************************************************************************
Me rastin e festës së Fiter Bajrami në Emër të Komunës së Bujanocit dhe në emrin tim personal të gjithë besimtarëve islam i uroj festën e Fiter Bajramit duke dëshiruar që mes nesh të mbretëroj Dashuria, Solidariteti, Tolerance e Uniteti sepse vetëm në ketë mënyrë do të jemi të lumtur.
Bajrami të cilin e përjetojmë me mëshirën dhe dëshirën e Zotit, është edhe një rast që ti falënderohemi Atij që po mundemi të jetojmë nën rrezet e besimit tonë, ti gëzohemi njëri tjetrit dhe ta ndajmë dashurinë mes vete, të shprehim humanitetin tonë dhe dhembjen ndaj atyre që për shkaqe të ndryshme nuk mund ti gëzohen tërësisht çasteve të lumturisë të përgjithshëm.
Duke ju dëshiruar gëzime dhe lumturi në këto ditë Bajrami, i ftoj të gjithë besimtarët islam, si edhe të gjithë njerëzit tjerë me vullnet të mirë që të kultivojnë vlerat njerëzore e civilizuese, dashurinë ndaj familjes dhe miqve e fqinjëve, të respektojnë konceptin universal e të nderojnë ndryshimet me të cilat na ka karakterizuar Allahu. Kam kënaqësinë, që në emrin tim dhe administratës komunale, të ju uroj të gjithëve Festën e Fitër Bajramit dhe bashkë me ju të ndaj gëzimin dhe dashurinë që sjell për ne kjo festë e madhërishme.
Kryetari i komunës së Bujanocit
Mr. Nagip Arifi
******************************************************************************************************************************
Të nderuar besimtarë, më lejoni që fillimisht me rastin e përfundimit të muajit të Shenjtë të Ramazanit t`ju uroj që Zoti i Lartësuar t`ua pranojë agjërimin dhe të gjitha veprat e mira gjatë këtij muaji të bekuar dhe gjithashtu t`ju shpërblejë me të mirat e Tij.
Fitër -Bajrami është dita e sakrificës dhe e mirësisë. Uroj që kjo festë të përcillet jo vetëm me urime të mira e vizita tek të afërmit por edhe me vepra të mira, sepse kjo ditë është ditë e mëshirës, faljes, mirëkuptimit, mirësisë dhe paqes.
Le të na shërbejë kjo ditë për çlirimin e shpirtit dhe të mendjes nga vështirësitë, pengesat e jetës së përditshme dhe padrejtësitë njerëzore” thuhet në mesazhin e urimit të kryetarit Mustafa.
Ragmi Mustafa
Kryetari i Komunës dhe i PDSH-së
****************************************************************************************************************************
Të nderuar vëllezër dhe motra; Me rastin e festës së Fiter Bajramit, kryetari i Këshillit Kombëtar Shqiptar Galip Beqiri, në emër të KKSH-së i uron të gjith besimtarët mysliman për këtë ditë të bekuar.
Uroj që kjo ditë të sjell paqe, shëndet, harmoni, begati dhe lumturi në gjitha familjet shqiptare. Lusim All-llahun e Plotfuqishëm që të na pranoj agjërimin dhe shpërlej për veprat e mira.
Në emër të Allahut, Mëshiruesit, Mëshirëbërësit - Paqa qoft mbi Ju.
Këshilli Kombëtar Shqiptar
Zyra për Informim
******************************************************************************************************************************
Me rastin e festës së Fitër Bajramit, Kryesia e Organizatës së Veteranëve të Luftës së UÇPMB-së në Bujanoc, të gjithë besimtarëve musliman ua uron këtë ditë të begatshme, me dëshirën që në familjet e tyre të mbizotëroje paqja dhe lumturija.
Festa e Bajramit të Madh , le të na shërbejë, në thellimin e respektit, tolerancës, miqësisë dhe dashurisë për fëmijët tanë, familjen si institucion themel i ç’do shoqërie,nidhmën për ata që humbën më të dashurit e tyre e që sot në këtë ditë gëzimi ndjejnë mungesën më të madhe për bijtë e tyre dëshmorë.
Kjo festë fetare, pas sakrificës së agjërimit të ramazanit, uroj qe tu shërbejë të gjithë besimtarëve, në ushtrimin e ndjenjës së solidaritetit me njëri tjetrin, të jemi sa më human me ata që kanë nevojë dhe të rrugëtojmë të gjithë bashkë drejt sukseseve të reja.
Kryetari i OVL-së
Edmond Isufi
**************************************************************************************************************************
Shërbimi për informim i
Partisë Demokratike
******************************************************************************************************************************
Lëvizja e Progresit Demokratik dhe lideri saj Jonuz Musliu, me rastin e festës së Madhe të Fitër Bajramit, i përgëzon gjithë besimtarët e fesë islame për kryerjen e agjërimit të muajit të shenjtë të Ramazanit.
- Në këtë festë gëzimi dhe hareje e kemi për detyrim angazhimin tone të përbashkët për një të ardhme sa më të mirë e sa më të lumtur, që shqiptarët e Luginës së Preshevës, të kalojnë një jetë me dinjitet, një perspektivë të shëndoshë ashtu siç e duam dhe e dëshirojmë - thuhet në mesazhin e urimit të LPD-së.
Kjo festë kaq e dashur, po na gjen më të organizuar si komb, pikërisht në këto 100 vjet të shtetit shqiptar, ndaj më lejoni t’ju shpreh urimet dhe përgëzimet më të sinqerta gjithë vëllezërve e motrave myslimane kudo qofshin ata, thuhet mes tjerash në urimin e Lëvizjes së Progresit Demokratik.
Lëvizja e Progresit Demokratik
Kryetar, Jonuz Musliu
**************************************************************************************************************************
Të nderuar vëllezër dhe motra në Islam, me rastin e festës së Fitër Bajramit ju përgëzojmë për përmbushjen e njërit prej obligimeve kryesore të fesë islame, duke ju uruar Fitër - Bajramin, e duke e lutur Zotin e Madhërishëm që gjithë atyre që kanë agjëruar që t'ia pranojë agjërimin, lutjet, ibadetet dhe punët e mira që i kanë bërë gjatë muaji të shenjtë, në shenjë respekti ndaj Krijuesit të gjithësisë.
Urojmë që në shtëpitë tuaja të mbretërojë paqa, mirëqenia, prosperiteti, toleranca e dashuria për njeriun. Urojmë që në këto ditë festive të Bajramit të shprehim dashuri ndaj familjes, miqëve dhe fqinjëve, të respektojmë konceptet universale dhe të shtrijmë dorën e ndihmës dhe humanizmit.
Edhe një herë Organizata Humanitare Kulturore ”Horizonti ” nga Bujanoci ju uron Fitër – Bajramin, duke ju dëshiruar gëzime dhe lumturi në ambientet tuaja familjare, farefisnore dhe mbarë vëllazërore.
NGA KRYESIA E OKH-së
HORIZONTI
**************************************************************************************************************************
OKH “VËLLAZËRIMI”
Bujanoc
**************************************************************************************************************************
Të nderuar qytetarë të besimit musliman të Luginës, më lejoni që në emer të Bashkimit Demokratik të Lugineës dhe nemrin tim personal tju uroj Festën e Fitër Bajramit me shpresë që i Madhi Zot të pranoj agjërimin dhe sakrificën tuaj gjatë këtij muaji të Shenjët të Ramazanit.
Fitër Bajrami është Festë e sakrificës,solidaritetit,mirësisë e dashurisë mes njerëzve,andaj ti harrojm për nje moment tana gjerat jot ë mira që na përcollen gjat kësaj kohe të shkuar dhe të preferojmë ,paqë ,dashuri ,solidaritet e harmoni mes njerëzve gjatë këtyrë ditëve të Festës së Shenjët të Fitër Bajramit.
Uroj që kjo Festë të zhvillohet në paqë dhe dashuri në familjet tuaja e në vecanti në familjet besimtarëve musliman të Luginës.
Bashkimi Demokratik i Luginës
Kryetari, dr.Skender Destani
copy(/home/titulli/public_html/images/image/t/uploads/2012/08/urime-bajrami.jpg): failed to open stream: No such file or directory
