Lokale
Edukatoret demantojnë “edukatoren e fshehtë”, e ftojnë në debat (video)
Edukatoret shqiptare të çerdhes “Gëzimi Ynë” në komunë të Bujanocit kanë reaguar ndaj edukatores e cila me anonimitet ka nënvlerësuar punën e kolegeve të tyre.
Në kronikën kushtuar javës së fëmijëve në të cilën u organizuan aktivitete për vogëlushët e këtij Enti, e transmetuar në Spektri Info më 11 tetor, u dëgjua edhe kritika e një “edukatoreje” e cila me anonimitet kishte kritikuar koleget e saj shqiptare për mungesë të organizimit dhe aktiviteteve, krahasuar me ato serbe.
Pikërisht për këtë sot në redaksinë e portalit Titulli.com ka ardhë reagimi i nënshkruar nga 18 edukatore shqiptare të cilat hedhin poshtë pretendimet e “edukatores së fshehur”, duke thënë se “ndjejnë obligim për ta informuar masën se aktivitetet e edukatoreve janë në kuantitet të njëjtë sikurse me ato të edukatoreve të nacionalitetit serb”.
“Me nënshkrimet e tubuara, demantojmë pretendimet e “edukatores së fshehur” e cila pas kamere ka hedhur poshtë mundin e të gjitha edukatoreve duke nënvlerësuar ato, madje duke shpikur gënjeshtra”, thuhet në reagim.
Letra e edukatoreve shqiptare përfundon me dënimin e ashpër të këtyre përpjekjeve që kanë për qëllim prishjen e raporteve kolegjiale, ndërsa njëkohësisht “edukatorja e fshehur” ftohet në debat publik./Titulli.com/
REAGIMI I EDUKATOREVE
http://youtu.be/lCRW7eYuiEo
---------------------------------------------------------------------------------------------------------------
http://youtu.be/yfahOrUZOB0copy(/home/titulli/public_html/images/image/t/uploads/2013/10/anonim1.jpg): failed to open stream: No such file or directory
Mund ti tregoni shoqërisë për këtë artikull!
