Lokale
Edhe Ali Ahmeti në mbështetje të shqiptarëve të Luginës (video)
Zëvendëskryeministri i Kosovës, Hajredin Kuçi, dhe lideri i Bashkimit Demokratik për Integrim, i partisë së shqiptarëve në Maqedoni, Ali Ahmeti, kanë paralajmëruar Serbinë nga Prishtina, që të ketë kujdes me shqiptarët në Luginë të Preshevës.
“Ne ftojmë shqiptarët e Luginës së Preshevës të forcojnë identitetin kombëtar, të realizojnë të drejtat e tyre kombëtare, natyrisht që e kanë mbështetjen tonë të plotë dhe këto t’i bëjnë në mënyrë demokratike. E ftojmë Serbinë të ketë kujdes atje, nuk ka partneritet me Kosovën në kurriz të shqiptarëve në Preshevë, Bujanoc, Medvegjë, duke i dëmtuar një pjesë të shqiptarëve. Mos e merrni si kërcënim në raport me Serbinë, por Serbia duhet të ketë parasysh, që ka të bëjë me një pjesë të shqiptarëve, jo një popull që është jetim” tha Hajredin Kuçi, raporton TCH.
“Kështu që do të ishte edhe në dobi të Serbisë, që të respektonte të rënët në Luginën e Preshevës. Ata kanë rënë kundër një regjimi diktatorial, një regjimi fashist. Serbisë nuk duhet t’i përsëritet politika e Millosheviçit, nuk duhet t’i përsëritet politika nacional-shoviniste, por të respektojë vullnetin e popullit që jeton në Luginën e Preshevës. Sot të gjitha vendet në rajon dëshirojnë të ecin përpara, vendet e Ballkanit dëshirojnë më shumë paqe, që të kontribuojnë dhe të punojnë për një të ardhme më të mirë. E kaluara të na shërbejë, me idenë që nuk duhet të përsëritet. Kjo do të ishte në të mirën e Serbisë, të respektojë të rënët”, u shpreh Ali Ahmeti.
Kryeministri serb ka paralajmëruar, që ky lapidar do të largohet para takimit të 17 janarit, i cili pritet të mbahet në Bruksel mes Thaçit dhe Daçiçit. /Titulli.com/
http://youtu.be/FSUCBgkE1O8
_______________________________________________________________________________________________________________________________________
http://youtu.be/hOcdxrmw904copy(/home/titulli/public_html/images/image/t/uploads/2013/01/ali-ahmeti.jpg): failed to open stream: No such file or directory
Mund ti tregoni shoqërisë për këtë artikull!
