Çka kërkuan Kamberi e Arifi nga Qeveria e re e Kosovës dhe Albin Kurti

Shaip Kamberi, kryetar i komunws sw Bujanocit pas zgjedhjes së qeverisë së re të Kosovës dhe Albin Kurtit për kryeministër të ka dërguar telegram përgëzimi duke kërkuar bashëkpunim në të ardhmen.

“Përfshirja e çështjes së Luginës së Preshevës në dialogun Kosovë-Serbi, reciprociteti në të drejtat e minoriteteve midis Kosovës dhe Serbisë, si dhe mbështetja institucionale e Qeverisë së Republikës së Kosovës për Luginën e Preshevës, mbeten disa nga prioritetet për rimëkëmbjen politike, shoqërore dhe socio-ekonomike të Preshevës, Bujanocit dhe Medvegjës”, thuhet mes tjerash në telegramin e Shaip Kamberit.

Ndërsa kryetari i komunës së Preshevës, Shqiprim Arifi duke përshëndetur udhëheqjen e Qeverisë së re të Republikës së Kosovës, është shprehur për proceset e zhvillimit të vendit, transmeton Titulli.com.

“Shpresojmë që Lugina e Preshevës gjithashtu të zë pozitën e merituar të përkujdesit dhe përkahjes institucionale, me qëllim të avancimit të të drejtave dhe statusit të Shqiptarëve në Luginë”, thuhet mes tjerash në shkrimin e Arifit.

Zgjedhjen  e Abin Kurtit në krye të qeverisë së Kosovës e kanë përshëndetur edhe partit tjera shqiptare në Luginë të Preshevës./Titulli.com/