Sulejman Ugljanin nuk shkon në konsultime me Presidentin Vuçiq, shkak “krimet në Srebrenicë"?

Në ditën e parë të konsultimit, Vuçiqi është paraparë të takohet me përfaqësuesit e tri listave zgjedhore, shkruan N1, transmeton Titulli.com.

Përfaqësuesit e Koalicionit të Shqiptarëve të Luginës në krye me Shaip Kamberin ishin të parët shkuan në konsultimet e presidentit të Serbisë, Aleksandar Vuçiq, për kandidatin për kryeministër.

Edhe pse ishte paralajmëruar se sot në konsultime do të ishin edhe përfaqësuesit e listës “SDA Sanxhak – Dr. Sulejman Ugljanin”, ata e anuluan shkuarjen e tyre për shkak të “krimeve në Srebrenicë”.

Në orën 11:30 Vuçiqi do të zhvillojë konsultime me listën “Së bashku për Vojvodinën – Vojvodinasit (Aleanca Demokratike e Kroatëve në Vojvodinë, Së bashku për Vojvodinën)”.

Takimi i fundit i ditës së parë të konsultimeve, në orën 12:45, do të jetë ai me përfaqësuesit e listës “Amaneti i Myftiut – Partia për Drejtësi dhe Pajtim (PSP) – Usama Zukorliq”./Titulli.com/