Studimi: Vitamina D dhe Omega-3  mund të ndihmojnë në parandalimin e sëmundjeve autoimune!
Trupi dhe shëndeti

Studimi: Vitamina D dhe Omega-3 mund të ndihmojnë në parandalimin e sëmundjeve autoimune!

02.Feb.2022 08:26
0

Marrja ditore e vitaminës D dhe suplementeve të vajit të peshkut mund të ndihmojë në mbrojtjen e të moshuarve nga zhvillimi i çrregullimeve autoimune si artriti reumatoid, psoriaza, sëmundjet e tiroides dhe polimialgjia reumatike, një sëmundje inflamatore që shkakton dhimbje muskulore dhe ngurtësi në shpatulla dhe ijët, zbuloi një studim i ri.

Njerëzit e moshës 50 vjeç e lart që merrnin 2000 IU (njësi ndërkombëtare) të vitaminës D3 për më shumë se pesë vjet kishin një normë relative 22% më të ulët të diagnozave autoimune të konfirmuara, tha autorja e studimit Dr. Karen Costenbader, një profesoreshë e mjekësisë në Shkollën Mjekësore të Harvardit. 

Kjo dozë është dy deri në tre herë doza e rekomanduar ditore e vitaminës D për të rriturit, e cila është 600 IU për njerëzit deri në 69 vjeç dhe 800 IU për moshat 70 vjeç e lart, sipas Institutit Kombëtar të Shëndetit.

Pasi njerëzit kishin marrë vitaminë D për të paktën dy vjet, shkalla e parandalimit nga çrregullimet autoimune u rrit në 39%, sipas studimit, të botuar të mërkurën në revistën BMJ.

Studimi gjeti gjithashtu një lidhje të mundshme midis marrjes së 1,000 miligramëve të acidit yndyror omega-3 (vaj peshku) dhe një reduktimi të çrregullimeve autoimune, por lidhja nuk ishte statistikisht e rëndësishme derisa rastet e mundshme të sëmundjes autoimune — jo vetëm rastet e konfirmuara — ishin faktorizuar në analizë.

Megjithatë, studimi zbuloi se marrja e vitaminës D dhe suplementeve të acideve yndyrore omega-3, kundrejt vetëm placebos, ul sëmundjen autoimune me rreth 30%./CNN/Edel Strazimiri / SCAN

Mustafi: Pa trajtimin e çështjes së shqiptarëve të Luginës s'ka marrëveshje?
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration