Serbia nxjerr numrin e votave që Kosova do të mund të merrte në OKB
Rajoni dhe Politika

Serbia nxjerr numrin e votave që Kosova do të mund të merrte në OKB

31.Oct.2022 16:52
0

Serbia është e bindur se Kosova nuk do të mund të anëtarësohet në OKB. 

Zëvendëskryeministri i parë dhe ministri i Punëve të Jashtme të Serbisë, Ivica Daçiq, u shpreh të hënën në programin e mëngjesit në “TV Happy”, se Serbinë e pret një “udhëtim i vështirë diplomatik”, por shprehu bindjen se vendi i tij ka ndryshuar siç tha, “balancën e fuqisë” në Kombet e Bashkuara (OKB) sa i përket numrit të vendeve që e njohin pavarësinë e Kosovës.

“Në Asamblenë e Përgjithshme të OKB-së, nga 193 anëtarë, Kosova nuk mund të marrë më shumë se 83 vota”, tha Daçiq dhe shtoi se ka raste kur shtetet që e kanë pranuar pavarësinë, nuk votojnë për Kosovën në nisma të ndryshme.

Kohëve të fundit po qarkullon një draft franko-gjerman i hedhur në publik si “non-paper” dhe ku parashihet edhe pranimi i Kosovës në OKB si pjesë e marrëveshjes finale për normalizim të marrëdhënieve. 

Sipas tij, Kosova edhe po të kalojë votimin me shumicë në OKB, mund të bëhet vetëm shtet vëzhgues jo-anëtar, njëjtë sikurse Palestina. Për t’u bërë anëtar i plotë duhet miratimi i Këshilli të Sigurimit, ku anëtare të përhershme janë Rusia dhe Kina. 

“Kjo është arsyeja pse qëndrimi i Rusisë dhe Kinës është shumë i rëndësishme për ne, në mënyrë që ata të mund të vënë veton”, tha ai Daçiq, përcjell gazeta “Danas”. 

Ai ka theksuar se për këtë arsye “çështja e Rusisë, Ukrainës, Kosovës, Këshillit të Evropës dhe Kombeve të Bashkuara nuk mund të shikohen veçmas”.

“Prandaj them se duhet të ketë një ‘paketë për Serbinë’, e cila para së gjithash do të fillonte nga Kosova dhe mendoj se një paketë e tillë për momentin nuk ekziston. Nuk kemi marrë asnjë propozim që do të ishte bazë për bisedë”, tha ai.

Sipas Ministrisë së Punëve të Jashtme të Kosovës, pavarësinë e shpallur më 2008, e kanë njohur 117 shtete anëtare të OKB-së.

Kurti i drejtohet shqiptarëve në komunat Bujanoc, Preshevë dhe Medvegjë
Serbia sikurse ‘Rusia e Vogël’, mbi 100 mijë rusë vendosen në Beograd
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration