Republikanët shtrihen në Malësi të Bujanocit

Në Kuvendin zgjedhor të Nëndegës së Partisë Republikane, në Muhoc, kishin ardhur përveç muhocasve edhe përfaqësues të lartë të këtij subjekti politik nga qendra e Bujanocit.

Fillimisht për rolin dhe rëndësinë e këtij subjekt politik, foli kryetari i saj Avdil Ramadani, i cili pasi përshëndeti të pranishmit dha sqarime lidhur me programin dhe statutin e partisë.

Më pas punimet e kuvendin zgjedhor i konsideroi të hapur, Vesel Sabedini, punëtor arsimor në Shkollën Fillore “Migjeni”, Në Muhoc.

“Kuvendin zgjedhor i Nëndegës së Partisë Republikanë, në Muhoc, zgjodhi kryesinë prej 7 anëtarësh, një delegat për Kuvendin e Degës dhe tre të tjerë për Kuvendin e Përgjithshëm të partisë. Kryetar i Nëndegës së Partisë Republikanë, për Muhoc, njëzëri u zgjodh Ramiz Rashiti, pastaj për sekretar u zgjodh Florent Xhemaili, si dhe për arkëtar Bajram Selimi”, thuhet në kumtesën e PR-së, transmeton Titulli.com.

Gjatë këtij kuvendi me karakter zgjedhor, të mbajtur gjatë fundjavës që lam pas,  u diskutua edhe për problemet me të cilat po ballafaqohen banorët e Muhocit dhe të Malësisë së Bujanocit në përgjithësi.

Gjithashtu, u potencua se Partia Republikane, është i vetmi subjekt politik, i cili në konceptin e saj ka si prioritet Malësinë e Bujanocit dhe shumë është e priviligjuar se në kuadër të saj janë kyçur dy familje shumë të njohura për humanizëm dhe heroizëm, si ajo e Doktor Ilazit dhe Komandant Robelit, veprimtaria e të cilëve është përjetësuar me ngritjen e pllakave përkujtimore në oborrin e Ambulancës së fshatit në Muhoc.

Vlen të theksohet se Partia Republikane, selinë e ka në Sentë të Vojvodinës dhe në kuadër të saj janë të kyçura përfaqësuesit e bashkësive etnike në Serbi, duke llogaritur edhe shqiptarët si komunitet, kryetari i të cilëve, Avdil Ramadani, është njëherit edhe nënkryetar në nivel të shtetit, njofton Shërbimi për Informim e Partisë Republikane. /Titulli.com/