Lokale
Ragmi Mustafa edhe për katër vite kryetar
Ragmi Mustafa është rizgjedhur për kryetar të komunës së Preshevës në seancën e sotme të Kuvendit komunal të Preshevës.
Për këtë post Mustafa është përkrahur nga 22 këshilltarë nga gjithsejtë 38, ndërsa për zëvendës të tij është zgjedhur Skender Destani.
Përveç këtyre pozitave në këtë mbledhje u zgjodhën edhe anëtarët e këshillit komunal të komunës së Preshevës.
Edhe gjatë kësaj mbledhje opozita ka lëshuar punimet duke mos u pajtuar me mënyrën e zgjedhjes së zv/kryetarit të komunës, pasi sipas tyre është bërë në kundërshtim me ligjin.
Partia Demokratike Shqiptare e Ragmi Mustafës numëron gjithsejtë 17 këshilltarë, ndërsa së bashku partitë në koalicion, Rilindjen Demokratike që ka 3 këshilltarë dhe Bashkimin Demokratikë të Luginës 2, përbënë shumicën prej 22 këshilltarëve nga 38 sa ka ky kuvend./Titulli.com/
Mund ti tregoni shoqërisë për këtë artikull!
