Presidenti i Shqipërisë, Begaj takon përfaqësues politik dhe institucional nga komuna e Bujanocit dhe Preshevës
Presidenti i Shqipërisë, Bajram Begaj ka prtur në takim përfaqësues politik dhe institucional nga komuna e Bujanocit dhe Preshevës.
Postimi i plotë në Facebook nga Presidenti, Bajram Begaj:
Pjekuria dhe serioziteti që shqiptarët dhe partitë politike të Luginës së Preshevës, Bujanocit dhe Medvegjës treguan për procesin e regjistrimit të përgjithshëm të popullsisë në Republikën e Serbisë është për t’u përshëndetuar dhe vlerësuar.
Këtë konsideratë e ndava me një delegacion të Komunës së Preshevës gjatë një takimi të zhvilluar sot.
Vlerësoj frymën e bashkëpunimit të demonstruar nga të gjithë aktorët dhe faktorët politikë shqiptarë në Luginën e Preshevës, i cili solli një regjistrim më të saktë e më të drejtë të shqiptarëve që jetojnë në këtë rajon të Serbisë.
Rëndësia më madhore e momentit është bashkëpunimi rajonal në të gjitha aspektet, gjë që na garanton një realizim më të shpejtë të objektivave drejt anëtarësimit në Bashkimin Evropian për të gjitha vendet e rajonit.
