Policia bastisë striptiz baret në Bujanoc

Pjesëtarët e Ministrisë së Punëve të Brendshme të Serbisë së bashku me inspektorët përkatës, mbrëmjen e së shtënës, kanë ndërmarrë aksion kontrollues në klubet e natës në Komunë të Bujanocit.

Sipas dëshmitarëve okularë të cilët e kanë njoftuar portalin informativ Titulli.com, aksioni ka filluar pas orës 22h, ndërsa policia ka bllokuar edhe pjesë të rrugës së Kosovës, ku edhe funksionojnë këto klube.

Një raport i policisë thotë se në Komunë të Bujanocit funksionojnë nëntë klube të natës, të njohur si striptiz bare, të cilat nuk kanë leje për këtë veprimtari.

Kryetari i Kuvendit Komunal Jonuz Musliu, më herët gjatë vitit kishte kërkuar që striptiz baret të mbyllen, pasi ato “janë shkaktare të dhunës mes të rinjve”.  /Titulli.com/