Përgatitja e duhur për ditët e ftohta ndihmon të humbni tepricën e peshës trupore
Dridhja e trupit është përgjigjja fillestare ndaj të ftohtit dhe ajo zvogëlohet ndërsa përshtatemi me kushtet
Yndyra e kafenjtë krijon nxehtësi pa u dridhur, duke përshpejtuar metabolizmin tonë, transmeton Telegrafi.
1. Mos e rrisni ngrohjen menjëherë
Kur temperaturat fillojnë të bien, përmbahuni nga ndezja e menjëhershme e ngrohjes në makinë dhe ngritja e temperaturës në shtëpi.
Natyrisht, trupi do të mësohet me temperaturat e ulëta të dimrit, nëse e lejoni. Prandaj, edhe pse mbase është e vështirë, kur bëhet pak më ftohtë, jepni vetes një shans që të mësoheni me temperaturën përreth jush, në vend që ta rregulloni temperaturën menjëherë në trupin tuaj – kjo do ta bëjë më të lehtë për ta kaluar dimrin.
2. Nuk ka asgjë të keqe nëse dridhemi pak
Dridhja është përgjigje fillestare e trupit ndaj të ftohtit – ngjashëm si edhe çdo përgjigje fillestare, zvogëlohet dhe zhduket kur përshtatemi me kushtet. Kur dridheni nga të ftohtit, enët e gjakut ngushtohen dhe tërheqin gjakun nga sipërfaqja e lëkurës në mënyrë që brendësia e trupit tuaj të jetë më e ngrohtë.
– Përgjigjja e tillë mund të zbusë, madje edhe të eliminojë përsëritjen e ekspozimit. Sipas një hulumtimi, me dridhje në kohëzgjatje prej disa minutash, disa herë në ditë, trupi juaj mund t’i përshtatet të të ftohtit dhe të zvogëlojë dridhjen fillestare për vetëm një javë, shpjegoi Calah Alexander, prof. e retorikës dhe letërsisë në Shtetet e Bashkuara.
3. Ushtroni jashtë në të ftohtë
– Ushtrimi në mot të ftohtë është një ndër mënyrat më të mira të krijimit dhe aktivizimit të yndyrës së kafenjtë, lloj i yndyrës që të porsalindurin e mban të ngrohtë, sepse i mungojnë muskujt e nevojshëm për dridhje – ka sqaruar ajo, shkruan aleteia.org.
