PD përmbylllë fushatën zgjedhore për zgjedhjet e Këshillit Kombëtar Shqiptar
Partia Demokratike në Bujanoc ka përmbyllur fushatën zgjedhore për zgjedhjet e Këshilllit Kombëtar Shqiptar.
Postimi i plotë në Facebook nga Partia Demokratike:
Me intonimin e himnin kombëtar shqiptar, Partia Demokratike para përkrahësve të saj ka përmbyllur fushatën elektorale për zgjedhjet e Këshillit Kombëtar Shqiptar që do të mbahen më 13 nëntor 2022.
Para të pranishmëve u shpalosë programi zgjedhor i PD-së, kurse për shtyllat kryesore të KKSh-së programin e shpalosën Burim Ferati, Marigona Mehmeti, Ahmet Beqiri, Egzona Halimi, Linda Murati.
Agim Haliti, kandidat për kryetar të KKSh-së u zotua se do të jetë gardian i interesave kombëtare dhe nga 14 nëntori do t'i përvishet punës me plotë elan, ashtu siç ka qenë i gatshëm të jetë në interes të kombi shqiptar.
Në fund, u paraqit edhe kryetari i PD-së, i cili falemnderoi të gjithë përkrahësit për fushatën e qetë, kurse vlerësoi se me Agimin në krye, të përcjellur nga 14 intelektualë tjerë, Këshillin Kombëtar Shqiptar do ta udhëheq Partia Demokratike.
Partia Demokratike fton të gjithë mbështetësit e saj në Bujanoc, Medvegjë dhe Preshevë, që më datë 13 nëntor të votojnë Partinë Demokratike duke rrethuar numrin 1.
