Lokale
Nxënësit e Nesalcës “pushimet” i bëjnë me lopët!
Prindërit, nxënësit e të cilëve vijojnë mësimin në shkollën fillore “Ali Bektashi” në Nesalcë kanë shprehë shqetësimin për një dukuri të pazakontë që po ndodhë në hapësirat e këtij institucioni arsimor.
Sipas prindërve të cilët janë ankuar në Portalin Informativ Titulli, gjithçka është në rregull derisa fëmijët e tyre nuk dalin në pushimet e gjata në shkollën fillore të fshatit Nesalcë të komunës së Bujanocit.
[caption id="attachment_113443" align="aligncenter" width="640"]
Lopët në oborrin e shkollës "Ali Bektashi" - Nesalcë[/caption]
“Në kohën kur nxënësit e kësaj shkolle duhet të relaksohen, atyre pushimin ia prishin bagëtitë, në të shumtën e rasteve lopët, të cilat oborrin e shkollës e kanë bërë si kullosë ”, i ka thënë Titullit me anonimitet njëri nga prindërit, i cili edhe i ka dërguar fotografitë për të vërtetuar këtë ngjarje.
[caption id="attachment_113444" align="aligncenter" width="640"]
Lopët në oborrin e shkollës "Ali Bektashi" - Nesalcë[/caption]
Ata të irrituar këtë dukuri e shprehin publikisht me kërkesën që lopët të lëshohen në kullosa e jo në oborr të shkollës, hapësirë kjo institucionale dhe të cilën mund ta shfrytëzojnë nxënësit dhe kolektivi i shkollës, por jo edhe kafshët./Titulli.com/
Mund ti tregoni shoqërisë për këtë artikull!
