Ngadalësohet qarkullimi në Konçul (video)
Gjatë mëngjesit të sotëm rreth 100 maune nuk kanë mundur të kalojnë në vendkalimin kufitarë në Merdare përshkak se është prishur ura afër vendkalimit kufitar në Merdarë, dhe një numër i madh i maunave që nga dita e djeshme ia kanë mësyrë vendkalimit kufitar në Konçul, raporton Titulli.com.
Si pasojë e kësaj ka ardhur deri te ngadalësimi i qarkullimit në vendkalimin kufitar në Konçul, me çrast kanë krijuar një kolonë në magjistralen Bujanoc-Gjilan.
Si rrugë alternative kanë qenë edhe ato dytësore që shpien për në Kosovë me qëllim të përshpejtimit të qarkullimit të lëvizjes.
Shumica e maunave kanë qenë me targa të Novi Pazarit, Kosovës dhe disa të tjera të qyteteve të ndryshme të Serbisë.
Dragan Jocic shofer i një maune nga Novi Pazari, i ka thënë Titullit se është duke pritur që nga orët e hershme të mëngjesit, dhe sipas tij puna është ngadalësuar edhe më shumë pasi që tani ka edhe më shumë qarkullime të automjeteve, dhe është e pamundur të kalohet.
Kjo kolonë është e gjatë nga kufiri në fshatin Konçul e deri në hyrje të qytetit të Bujanocit./Titulli.com/
http://www.youtube.com/watch?v=FgEKVZfvQNc&feature=youtu.be
