Nevzad Lutfiu: Të kënaqur me aktivitetet, ndarja jo reale (video)
Organizata "Shpresa" punon me aktivitete të ndryshme kulturore në komunën e Bujanocit dhe është themeluar në muajin prill të vitit 2016.Kryetari i kësaj organizate, Nevzad Lutfiu gjatë një bisede për Titulli.com është shprehur se për vitin 2017 nga buxheti komunal i janë ndarë 80 mijë dinarë për aktivitete.
Sa i përket mënyrës së ndarjes së buxhetit për organizatat joqeveritar, Lutfiu theksoi se ka shpreh pakënaqësinë edhe me përfaqësuesit e komunës.
“Ky është një problem jo vetëm i këtij viti problem është trashëguar ndër vite mënyra e ndarjes së mjeteve e cila po shpresojmë që do të ndryshoj në vitet e ardhshme”, deklaroi Lutfiu.
Me gjithë këto vështirësi ai tha se përgjithësisht është i kënaqur me përkrahjen e komunës së Bujanocit duke mos shikuar vetëm anën financiare mirëpo edhe atë morale.
Lutfiu sqaroi se kryetarin e komunës së Bujanocit e ka pasur pjesëmarrës në disa organizime që për ta ka qenë nderë dhe respekt./Titulli.com/
