Ndeshje futbolli në kujtim të Rexhës

Në stadiumin e klubit futbollistik Tërnoci, të martën, 21 prill, me fillim në orën 15h do të zhvillohet ndeshje miqësore në mes të klubit vendas dhe atij nga Shkupi.

Siç njofton KF Tërnoci, ndeshja do të zhvillohet në mes të klubeve pioniere KF Tërnoci dhe KF Shkupi, në kujtim të humanistit, veprimtarit dhe trajnerit Rexhep Adili, transmeton Titulli.com.

“Punën e tij të palodhur gjate tërë jetës, sot po e shijojmë ne. Do të jemi krenarë gjatë tërë jetës që kemi punuar me ty, jo vetëm si trajner, por edhe si person. Çdo sukses i KF Tërnocit lidhet me punën e Rexhep Adilit. Na mungon treneri ynë, njeriu i cili na dha kurajë ne kohët më të vështira që ka përjetuar vendi jonë”, thuhet në njoftim e klubit nga Tërnoci.

Duhet theksuar se veprimtari Rexhep Adili, që nga viti që ndërroi jetë, përkujtohet nga tërnocasit dhe qytetarët e vendbanimeve përreth. /Titulli.com/