Musliu: Emërimi vetëm i serbëve në pozitat udhëheqëse të Trupit Kordinues, anashkalimi i shqiptarëve
Shqprim Musliu, kryetar i Lëvizjes së Progresit Demokratik ka reaguar ndaj vendimit të qeverisë së Serbisë pë emërimet në pozitat udhëheqëse të Trupit Kordinues për komunat e Bujanoc, Preshevë dhe Medvegjë.
Postimi i tij në Facebook:
Ajo që e themi shpesh se çka është e juaja është edhe e imja, e ajo çka është e imja është veç se e imja, po dëshmohet çdo ditë nga pushtetarët serb.
Emërimi vetëm i serbëve në pozitat udhëheqëse të Trupit Kordinues dhe anashkalimi i shqiptarëve bie ndesh me parimet e marrëveshjes së vitit 2009, ku për hirë të përfshirjes së serbëve në pushtetin lokal në mandatin 2008-2012, qeveria e atëhershme inicoi një sërë masash dhe premtimesh për integrimin e shqiptarëve në institucionet vendimmarrëse republikane por që ato premtime kanë mbetë vetëm në letër.
Kjo edhe njëherë tjetër po e dëshmon paragrafin e parë, se për vetën këta lypin edhe atë çka aspak nuk i takon.
Ndërkohë nëse ngrejmë paralelen me të drejtat që serbët kërkojnë në Kosovë, për shqiptarët në Serbi tash e mbi 20 vite kemi një diskriminim të thellë si të përfaqësimit e integrimit por edhe të minimum respektimit të të drejtave për komunitetin shqiptar që burojnë nga ligjshmëria dhe kushtetutshmëria e këtij vendi.
Përpos reagimit publik, do të reagojmë edhe tek aleatët tanë ndërkombëtarë që për këto shkelje dhe mosrespektim të marrëveshjeve të shtojnë trysninë e të ndërmarrin masa konkrete.
