Lokale
Mundësi për të studiuar në Tiranë, dorëzoni dokumentet në Bujanoc
Maturantët të cilët nuk kanë mundur të regjistrohen në Universitetin e Prishtinës gjatë afatit të parë apo të gjithë ata të cilët shprehin dëshirën të vazhdojnë studimet në universitetin e Tiranës, zyra e kryetarit të komunës së Bujanocit është duke ndihmuar në regjistrim.
Arbër Pajaziti, shef i kabinetit të kryetarit të komunës së Bujanocit tha për media se të gjithë maturantët e komunës së Bujanocit të cilët kanë mbetur pa u regjistruar në studime dhe dëshirojnë të studiojnë në Universitetin e Tiranës mund të lajmërohen në zyrën tonë nga dita e hënë deri ditën e mërkurë.
Studentët me vete duhet të kenë diplomën si dhe letërnjotmin. Ndërkaq të gjithë ata të cilët paraqiten me regjistrim do ti nënshtrohen provimit pranues në fakultetet përkatëse./Titulli.com/
Mund ti tregoni shoqërisë për këtë artikull!
