Lokale
Lugina pjesë e manifestimit të ditës së Pavarësisë së SHBA-ve
Përfaqësuesit e të gjitha partive politike shqiptare që veprojnë në Luginën e Preshevës, kanë qëndruar në Beograd gjatë ditës së djeshme, të ftuar nga Ambasadorja Meri Vorlik për nderë të 4 korrikut ditës së Pavarësisë së SHBA-ve, raporton preshevanews.
Në këtë eveniment ishte i ftuar Kryetari i Këshillit Kombëtarë Shqiptarë, Galip Beqiri, Deputeti popullorë Riza Halimi, kryetarët e dy komunave Mustafa e Arifi, përfaqësuesit e partive politike që tubojnë shqiptarët në tri komunat e Luginës, si dhe personalitet të jetës publike.
Në këtë eveniment kulturorë kanë marrë pjesë edhe personalitete të larta të përfaqësive diplomatike të akredituara në Serbi, si dhe politikanët serb, qoftë grupi që ka fituar mandatin për udhëheqje me shtetin apo ata në opozitë.
Ambasadorja amerikane zonja Vorlik me këtë rast, ka përkujtuar të pranishmit se SHBA përmes programit të saj për zhvillim USAID i cili vepron për 10 vite me radhë në Serbi, ka investuar rreth 840 milion dollarë për ndërtimin e institucioneve demokratike dhe forcimin e potencialeve ekonomike, në këtë vend./Titulli.com/
Mund ti tregoni shoqërisë për këtë artikull!
