Kosova ndan 1.1 milion euro për familjet shqiptare në Luginë
Qeveria e Republikës së Kosovës zhvilloi në një mbledhje elektronike, miratoi disa vendime të rëndësishme për mbështetje financiare dhe avancimin e disa sektorëve.
Gjatë mbledhjes, u miratua Rregullorja për Procedurat dhe Kushtet e Financimit të Organizatave Sportive, e cila do të krijojë mundësi për financimin e projekteve dhe aktiviteteve të organizatave sportive në vend.
Po ashtu, Qeveria ndau një shumë prej 1,108,529 Euro për të mbështetur të gjitha familjet shqiptare nga Presheva, Medvegja dhe Bujanoci, të cilat janë aktivisht të angazhuara në bujqësi.
Ky fond është ndarë në kuadër të thirrjes publike të Këshillit Kombëtar Shqiptar (KKSh) dhe përfshin gjithashtu edhe financimin e programeve për avancimin dhe integrimin e fëmijëve me nevoja të veçanta.
