Lokale
Komuna mendon për të rinjtë, fiton projekt për punësim
Kryetari Arifi sot ka nënshkruar kontratë me programin PBILD dhe USAID-in amerikan për punësimin e të rinjve në këtë komunë.
Ky projekt me vlerë 25 mijë dollarë do të mundësojë punësimin e të rinjve në ndërmarrje të vogla e të mesme.
Marrëveshja për financim të projektit “Të rinjtë mendojnë për biznes” u nënshkruajtë sot në pres qendrën e Bujanocit në mes të menaxherit Nikollas Herkulles nga PBILD, Majkëll Pillsbëri nga USAID-i dhe Nagip Arifit nga komuna e Bujanocit.
I pari i komunës falënderoi organizatat ndërkombëtare që kanë shprehë gatishmërinë të marrin pjesë në këtë projekt, ndërsa po ashtu theksoi se Bujanoci në vitin 2010 është zgjedhur si komunë me ambient të volitshëm për investime të huaja.
“Përveç kësaj kemi aprovuar edhe planin aksional për punësim të të rinjve të komunës sonë”, theksoi mes tjerash Arifi.
USAID-i amerikan në këtë projekt merr pjesë me më shumë mjete, gjithsejtë 15 mijë dollarë, komuna e Bujanocit me 5 mijë sa merr pjesë edhe programi PBILD./Titulli.com/
Mund ti tregoni shoqërisë për këtë artikull!
