Komuna e Bujanocit pjesë e programit të financuar nga  Këshilli i Evropës
Lokale

Komuna e Bujanocit pjesë e programit të financuar nga Këshilli i Evropës

19.Mar.2021 22:04
0

Vetëqeverisja lokale e Bujanocit është pjesëmarrëse në programin e Këshillit të Evropës “Menaxhimi i Burimeve Njerëzore në Vetëqeverisjen Lokale – Faza 2”

Komuna e Bujanocit është njëra nga 50 vetëqeverisjet lokale në Serbi e cila përmes Programit “Menaxhimi i Burimeve Njerëzore në Vetëqeverisjen Lokale – Faza 2”, morën të ashtuquajturën “Paketa e mbështetjes”.

Komuna është duke bërë një hap të madh drejt krijimit të një sistemi të shërbimit civil që do të mundësojë zhvillimin profesional të punonjësve si dhe vlerësimin e punës së tyre.

"Në një takim të përbashkët me përfaqësuesit e Këshillit të Evropës, i cili zbaton Programin dhe kolegë nga qeveritë e tjera lokale, kemi biseduar për rezultatet e zbatimit dhe zhvillimet pozitive në funksionimin e administratës. Ne jemi të lumtur që kemi mundësinë të vazhdojmë të punojmë në profesionalizimin e qeverisjes lokale, e cila është mënyra e vetme e duhur për të krijuar një qeveri lokale efikase që punon për të mirën e qytetarëve dhe ekonomisë", thuhet në njoftimin e publikuar nga komuna  e Bujanocit.

Programi “Menaxhimi i Burimeve Njerëzore në Vetëqeverisjen Lokale – Faza 2” ka një vlerë prej 4 milion euro dhe është financuar bashkërisht nga Bashkimi Evropian dhe Këshilli i Evropës dhe implementuar nga Këshilli i Evropës në bashkëpunim me MDULS dhe SKGO.

Në Serbi, 29 të vdekur dhe 5.305 raste te reja me COVID-19
Shkencëtarët zhbllokojnë misteret e “kompjuterit” më të vjetër në botë
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration