Lokale
KDNJ-ja e Luginës kërkon nga SHBA përfaqësim në institucionet shtetërore
Përfaqësuesit e Këshillit për të Drejtat e Njeriut janë takuar të martën më 6 nëntor në Preshevë, me zyrtarë të Shteteve të Bashkuara të Amerikës Patrick Harvey nga Zyra për Demokraci dhe të Drejtat e Njeriut nga Departamenti i Shtetit dhe Judith K. Lepuschitz, këshilltare politike në Ambasadën amerikane në Beograd.
Gjatë takimit, përfaqësuesit e KDNJ-së njoftuan zyrtarët amerikan me gjendjen e tanishme të të drejtave të njeriut në Preshevë, Bujanoc dhe Medvegjë. Kryetari i KDNj-së, Belgzim Kamberi dhe koordinatori i KDNj-së në Bujanoc, Ragmi Mustafi ritheksuan nevojën e përfaqësimit të të gjithë kombësive në kuadër të institucioneve shtetërore, nëpërmjet dinamizimit të procesit politik të inicuar më vitin 2002 si dhe nevojën e respektimit të të drejtave të njeriut nëpër institucionet publike të të gjitha niveleve.
Zyrtarët e Shteteve të Bashkuara të Amerikës rishprehën mbështetjen e tyre për veprimtarinë e KDNJ-së, si dhe gatishmërinë e tyre për vazhdimin e bashkëpunimit të ndërsjellë, thuhet në njoftimin e KDNj-së./Titulli.com/
Mund ti tregoni shoqërisë për këtë artikull!
