Propozohet shkarkimi i Shqiprim Arifit nga i posti i kryetarit të komunës së Preshevës
Ardita Sinani, kryetare e kuvendit komunal në Preshevë ka konvokuar seancë për të premten më 10 mars nga ora 14:00 në të cilin është propozuar të shkarkohet kryetari aktual i komunës së Preshevës, Shqiprim Arifi.Propozimi për shkarkimin e Shqiprim Arifit është mbështetur në kërkesën e 22 këshilltarëve të kuvendit komunal, prej të cilëve 10 janë të PVD-së, 9 të Grupit të këshilltarëve të PDSH-së, 2 të BDL-së dhe 1 nga UDSH.
Gjatë kësaj seance janë paraparë këto pika të rendit të ditës:
- Shqyrtimi dhe miratimi i propozimit të shkarkimit të kryetarit të komunës.
- Shkarkimi i kryetarit të komunës, i cili do të bëhet me vota të fshehta, si në rastin e emërimit të tij.
- Shkarkimi i zv/kryetarit të kuvendit
- Zgjedhja e zv/kryetarit të kuvendit
- Konstatimi i dorëheqjes së Kryetares së Kuvendit
- Zgjedhja e kryetarit të Kuvendit komunal
- Zgjedhja e kryetarit të ri të komunës së Preshevës
- Verifikimi i mandatit të këshilltarit të ri
Marrëveshja për qeverisje në Preshevë mes koalicionit APN-PVD është bërë në muajin Prill të vitit 2016 ndërsa Shqiprim Arifi është emëruar për kryetar të komunës më 27 Maj 2016./Titulli.com/
