Fejzullahu: Të organizohen debate me qytetarët për buxhetin komunal
Rexhep Fejzullahu këshilltarë në kuvendin komunal nga radhët e Partisë Demokratike është shprehur për Titulli.com se vitet e fundit transparenca ka filluar të zbehet në mes të pushtetit lokal dhe qytetarëve të komunës së Bujanocit.Ai theksoi se pushteti lokal në një formë apo tjetër ka filluar ti anashkaloj qytetarët viteve të fundit.
” Më herët janë thirrur në debate publike të gjitha institucionet apo entet apo edhe firmat e ndryshme private me të cilat kanë bashkëpunuar rreth hartimit të buxhetit të komunës”, tha Fejzullahu.
Sipas tij gjatë takimeve të tilla janë marrë njohuri rreth asaj se në çfarë mënyrë duhet të bëhet ndarja apo shpërndarja e mjeteve kurse tani kjo gjë vetëm se mungon e arsyet e kësaj mungese tani për tani nuk dihen./Titulli.com/
