Rexhaj ka thënë se Bashkimi Evropian dhe SHBA-ja si garantuese të marrëveshjes duhet “t’ia ngrehin veshin” presidentit të Serbisë, Aleksandar Vuçiq, për deklaratat që dha se nuk do të zbatojë nenin 4 të marrëveshjes.

“Nuk duhet t’i ngrehet veshi vetëm palës kosovare. Kemi deklaratë të presidentit të Serbisë, Vuçiqi vetëm 3-4 ditë pas marrëveshjes që tregon se po e shkel drejtpërdrejt atë. A e bën për politikë apo çfarë nuk na intereson. Çështja është që ndërmjetësve ndërkombëtarë duhet t’u shkojë në vesh kjo”, tha Rexhaj.

Ai sqaroi se çështja e Luginës së Preshevës sipas Grabrile Escobar nuk ka mundur të futet në këto diskutime në Ohër dhe se reciprociteti i të drejtave të serbëve të Kosovës dhe shqiptarët në Luginë nuk ka qenë temë e diskutimi (video nga minuta 13:35).

Sipas tij kjo nuk e pengon palën kosovare që ta bëjë temë prap.

Deputeti i Vetëvendosjes, Arbër Rexhaj, ka thënë se Marrëveshja për normalizim të marrëdhënieve mes Kosovës dhe Serbisë është e mirë për faktin se “ndahet mexha me Serbinë në kuptimin direkt të fjalës”.

“Kosovës i hapet rruga për anëtarësim në organizata ndërkombëtare. Po ashtu s’do të kishim probleme në komunat me shumicë serbe”, ka thënë Rexhaj.