Lokale
Deputetët shqiptarë të Luginës takohen me ministrin e drejtësisë Selakoviq
Deputetët shqiptarë nga radhët e Partisë për Veprim Demokratik (PVD) në Parlamentin Republikan, Riza Halimi dhe Shaip Kamberi, janë takuar sot me ministrin e drejtësisë në qeverinë e Serbisë, Nikolla Selakoviq
Në takimin e zhvilluar me ministrin, cili do të jetë pjesë edhe i qeverisë së re, është biseduar rreth funksionimit të gjyqësorit në Bujanoc dhe Preshevë.
Dy deputetët e PVD-së kanë kërkuar nga ministri aktual (dhe i ardhshëm) i drejtësisë që në përbërjen e Qeverisë së re të zgjidhen këto tema:
Përfaqësimi adekuat i shqiptarëve në gjyqësorin e dy komunave, përshpejtimin e procedurës për zgjedhjen e gjykatësit për kundërvajtje në Preshevë dhe dy gjykatësve në Gjykatën komunale në Bujanoc nga radhët e kuadrove shqiptarë, zgjedhjen e përkthyesve gjyqësorë jo vetëm në Gjykatën për kundërvajtje dhe themelore ne Preshevë dhe Bujanoc, por edhe në Gjykatën dhe prokurorinë e shkallës së dytë në Vranjë.
Në kumtesën e pranuar nga portalit informativ Titulli, mes tjerash thuhet se temë bisede ishte edhe pranimi i praktikantëve të rinj në organet e sistemit gjyqësorë.
“Në takimin e zhvilluar në Beograd mes deputetëve shqiptar dhe ministrit Selakoviq u bisedua edhe për ndryshimin dhe plotësimin e Ligjit për rrjetin e gjykatave, i cili ka anashkaluar kërkesat e shqiptarëve për ekzistimin e institucioneve gjyqësore në këto dy komuna”, thuhet në kumtesën e shërbimit për informim të deputetëve shqiptar.
Mëtej, nënvizon njoftimi se vazhdimi i reformës së sistemit gjyqësorë është obligim që imponohet nga procesi i integrimit në Bashkimin Evropian është potencuar në takim, që do të ketë reflektim për përmirësimin e gjendjes aktuale në sistemin gjyqësorë në Luginën e Preshevës.
Dy deputetët shqiptarë gjatë fushatës parazgjedhore me rastin e zgjedhjeve parlamentare, patën premtuar se do të angazhohen për të drejtat e shqiptarëve të Luginës, ndërsa takimi i sotëm i cili pritet të japë rezultatet pas themelimit të Qeverisë së re të Serbisë, mund të shihet si fillim i mbarë i përmbushjes së premtimeve të dhënë elektoratit shqiptarë në Luginë./Titulli.com/
Mund ti tregoni shoqërisë për këtë artikull!
