Lokale
Daçiq: Hiqeni pllakën e UÇPMB-së ose do ta heqim ne
[caption id="attachment_41353" align="aligncenter" width="572"]
Pllaka përkujtimore me 27 emrat e dëshmorëve të UÇPMB-së para ndërtesës së administratës Komunale në Preshevë[/caption]
Kryeministri dhe ministri i punëve të brendshme Ivica Daçiq ka ftuar shqiptarët që të heqin përmendoren e UÇPMB-së të vendosur në sheshin e Preshevës.
Daçiq ka thënë se vendosja e një pllake përkujtimore për pjesëtarët e Ushtrisë Çlirimtare të Preshevës, Bujanocit dhe Medvegjës në qendër të Preshevës, paraqet një provokim të panevojshëm për të cilën shteti duhet të reagojë dhe ka porositur se Serbia “bënë politikë me kokë” dhe politikë e cila ka efekte pozitive, raporton B92, transmeton Titulli.
“Më mirë ta heqin vetë, ky është një provokim i panevojshëm, veçanërisht nëse vihet në kontekst dita e flamurit kombëtar më 28 nëntor, kurse shpallja e vendimit për Haradinajn pritet më 29 nëntor”, ka thënë Daçiq.
“Kjo nuk çon në drejtim të duhur”, ka shtuar kryeministri cili njëherit është edhe ministër i policisë.
Sipas fjalëve të tij, me vendosjen e pllakës përkujtimore në qendër të Preshevës shteti duhet të reagojë.
“Nëse vendosim pllaka përkujtimore duke i respektuar ata të cilët vranë policë dhe ushtarë në jug të Serbisë atëherë le të themi se ai territor nuk është pjesë e Serbisë. Ne nuk kemi asnjë dilemë se Presheva apo Medvegja janë pjesë e Serbisë, por nëse bashkësia ndërkombëtare ka atëherë le të përgjigjet. Mot të thuhet mandej se është përdorur forcë e tepruar, pasi heqja e pllakës mund të na çojë deri te problem të caktuara të sigurisë.
Vlen theksuar se pllaka përkujtimore me emrat e 27 ish pjesëtarëve të rënë të UÇPMB-së u vendosë në afërsi të ndërtesës së administratës komunale të Preshevës.
Para vendosjes së kësaj pllake, njësia speciale e xhandarmërisë dhe ajo ushtarake e Serbisë kishin marrë aksionin për ndërtimin e një kompleksi memorial në mes të vendbanimeve shqiptare të komunës së Bujanocit/Titulli.com/
Mund ti tregoni shoqërisë për këtë artikull!
