Arifi: Largimi i këshilltares me qëllim destabilizimin e Luginës së Preshevës
Lokale

Arifi: Largimi i këshilltares me qëllim destabilizimin e Luginës së Preshevës

16.Jan.2019 14:08
0

Shqiprim Arifi, kryetar i komunës së Preshevës ka reaguar për largimin nga grupimi politik i Alternativës për Ndryshim në Preshevë Fetanete Mehmedi, këshilltare e kuvendit komunal  duke vlerësuar se interesat e grupeve të caktuara që kanë për qëllim destab ilizimin e Luginës së Preshevës.

Ky  është reagimi i plotë: 

Të nderuar qytetarë të Komunës së Preshevës,
Të nderuar Zonja dhe Zotërinj,

Sot nga sekretariati i Kuvendit Komunal në Preshevë jemi njoftuar për pranimin e një shkrese se Këshilltarja Fetanete Mehmedi ka vendosur që të largohet nga fraksioni qeverisës i APN-së në Kuvendin lokal për t`u angazhuar si këshilltare e pavarur. Së pari, shfrytëzojmë rastin t`i falënderohemi znj. Mehmedi për angazhimin e saj në muajt e kaluara në Kuvendin Komunal si dhe aktiviste e subjektit tonë politik që nga themelimi. 
Me keqardhje, konstatojmë se vendimi i saj ka sjellur organin legjislativ dhe si rrjedhojë të gjithë ekzekutivin si dhe institucionet lokale në një situatë të palakmueshme, meqë siç dihet as opozita dhe as pozita nuk ka numrat e mjaftueshme për vazhdimin e këtij mandati. 
Theksojmë se çështjet e cekura në letrën e largimit të saj nga fraksioni ynë nuk korrespondon me mbledhjet dhe bisedat e vazhdueshme që kemi pasur që nga fillimi i këtij pushteti.

Të nderuar qytetarë të Komunës së Preshevës,
Siç jeni në dijeni, konstituimi i pushtetit tonë në mars të vitit 2018 ka ardhur si pasojë e shpërndarjes së dy pushteteve të motivuara nga interesat e grupeve të caktuara që kanë për qëllim destabilizimin e Luginës së Preshevës në vigjilje të bisedave përfundimtare të marrëveshjes për normalizimin e raporteve Kosovë-Serbi. 
Qëndrimet tona të detajizuara do të shfaqim publikisht pasi të njoftohemi më konkretisht lidhur me vendimin e këshilltarës Fetanete Mehmedi si dhe pasojat konkrete nga vendimi i saj.

Ftoj të gjithë anëtarësinë e APN-së si dhe qytetarët e Komunës së Preshevës, ashtu siç kemi praktikuar në vitet e kaluara që me QETËSI dhe DASHURI të qasemi në zgjidhjen e situatës së krijuar në Komunën tonë!

Shqiprim Arifi,
Kryetar i Komunës së Preshevës,

Preshevë, 16.01.2019

Rrezikohet shumica qeverisëse në komunën e Preshevës, largohet këshilltarja e APN-së (dokument)
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration