Lokale
Wagner e Benedikt takohen me Arifin, bisedojnë për reformat në gjyqësi
Zëvendës ambasadori i Austrisë Wolfgang Wagner është pritur sot nga kryetari i komunës së Bujanocit, Nagip Arifi.
Gjatë qëndrimit në Bujanoc, Wagner dhe Arifi kanë biseduar për situatën e përgjithshme në rajon e me theks të veçantë në Luginë.
Bisedimet e fundit rreth reformave në gjyqësi mes liderëve të Luginës dhe zyrtarëve të Beogradit, sidomos për shtrirjen e rrjetit të gjykatave në komunën e Bujanocit dhe Preshevës, ka qenë temë qendrore e takimit mes zëvendës ambasadorit austriak Wolfgang Wagner dhe kryetarit Arifi, raporton Titulli.
Në takimin e sotëm ka qëndruar edhe këshilltari Oskar Benedikt nga delegacioni i Bashkimit Evropian në Serbi.
Dy përfaqësuesit nga Evropa kanë premtuar se do ta vëzhgojnë situatën në këtë rajon, kurse njëherit edhe do të investojnë përmes programeve për zhvillim të jugut të Serbisë./Titulli.com/
Mund ti tregoni shoqërisë për këtë artikull!
