Shqipëria do të vazhdojë bashkëpunimin me të zgjedhurit e Luginës (foto)

Deputetët Riza Halimi dhe Shaip Kamberi, janë takuar, sot, me ambasadorin e sapo  emëruar të Republikës së Shqipërisë në Beograd, Ilir Boçka. Takimi është mbajtur në selinë e Ambasadës shqiptare, me ç'rast Ambasadori është njoftuar me punën e deritashme të dy deputetëve.

Gjatë takimit është biseduar edhe për vazhdimin e bashkëpunimit intensiv mes përfaqësuesve shqiptar me misionin diplomatik shqiptar, thuhet në njoftimin e Partisë për Veprim Demokratik, transmeton Titulli.

Pas këtij takimi, deputetët janë takuar edhe me përfaqësues të ambasadës britanike në Beograd, me të cilat kanë diskutuar zhvillimet e përgjithshme politike./Titulli.com/