Kthehet lavdia e PD-së, flamuri vendoset në maje të shtizës (Foto)

Pas artikullit të publikuar të mërkurën në portalin informativ Titulli rreth mos kujdesit mbi flamurin e Partisë Demokratike (PD), duke e lënë ate me javë të tëra në gjysmështizë, ka qenë i shpejtë reagimi i zyrtarëve të këtij subjekt për ta kthyer simbolin e PD-së në formën e duhur në shtizë.

Krenaria tani është vendosur në piedestal, në ballkonin e selisë së Partisë Demokratike të Nagip Arifit, vetëm disa orë pas raportimit të Titullit për lënie pas dore të flamurit.

Ajo që i mbetet tani këtij subjekti është kthimi i besimit që dikur e kishte tek elektorati, e që sot jo pak simpatizues të saj janë në prag të dëshpërimit edhe pse në disa fusha, si ajo e infrastrukturës, ky subjekt ka nxitur realizimin e projekteve të ndryshme.

Ky reagim i shpejtë i PD-së duhet vlerësuar, mirëpo nëse do të kishte reagime të tilla edhe rreth raportimeve të rasteve të tjera nga mediet, me siguri situata do të ishte më e mirë në këtë komunë, sidomos në fushën e zhvillimit ekonomik e posaçërisht në punësim. /Titulli.com/ 

PO ASHTU LEXO: PD në “ditë zie”, flamurin në gjysmështizë (Foto)