Universiteti Internacional i Novi Pazarit-dega në Preshevë shënon dy vjetorin e themelimit, mundësi bashkëpunimi me Evropën (foto)

“Falënderim për avancimin e këtij trenit të dijes i takon shumë njerëzve nga Presheva e Novi Pazari por me theks të veçantë koordinatorit Kujtim Sadriu dhe studentëve të këtij universiteti në të gjitha drejtimet që ndjekin studimet në qytetin tonë”, u theksua gjatë manifestimit.

Prof dr Aleksanar Ivanoviq, dekan i fakultetit Juridik nga Novi Pazari i cili mes tjerave potencoi se mësimi në gjuhën amtare dhe më afër familjes japin më shumë mundësi të përgatitjes akademike dhe ngritjes së kuadrove.

“Hapja e këtij universiteti në Preshevë ka hapur mundësi të reja për të rinjtë e këtij vendi”, është shprehur Prof.dr Isa Spahiu profesori nga Maqedonia. Ndërsa profesori Tibor Petres nga Hungaria gjegjësisht nga universiteti i Segedinit deklaroi se studentët e këtij universiteti shpesh e kanë befasuar për të mirë me aktivitetin dhe angazhimin që kanë treguar.

Koordinatori i Universitetit Internacional tëNovi Pazarit-dega në Preshevë, Kujtim Sadriu falënderoj të gjithë ata që e kanë mbështetur në këtë rrugëtim dhe ngriti lartë të gjithë studentët e këtij universiteti me sukseset e deri tanishme. “Kjo vatër e dijes do të ndikoj që shumë prej njerëzve të shkencës nga kjo anë të mos shpërngulen diku tjetër por k y institucion do të ndikoj që ata ta japin kontributin në vendin e tyre”, deklaroi Sadriu.

Disa student Gjatë shënimit të përvjetorit të universitetit privat në Preshevë, studentët nga drejtimi i psikologjisë Rina F Rexhepi dhe Adelina Sh Ismaili, drejtimi i gjuhës serbe treguan mbi përvojat e tyre si student të këtij universiteti dhe planet për të ardhmen.

Para të pranishmëve u shfaq edhe një dokumentar i shkurtër lidhur me historikun e Universitetit te Novi Pazarit dega në Preshevë dhe mjediset mirëpritëse që ofron kjo vatër e dijes.

Vlen të potencohet se regjistrimet për vitin e ardhshëm akademik në këtë universitet fillojnë nga muaji i ardhshëm./Titulli.com/